Azərbaycan – Macarıstan matçının biletləri satışa çıxarılıb

Futbol üzrə Azərbaycan və Macarıstan yığmaları arasında keçiriləcək yoldaşlıq oyununun biletləri satışa çıxarılıb.

Komanda.az xəbər verir ki, biletlər azarkeşlər üçün üç qiymətə təklif olunur. Birinci kateqoriya 5, 2-ci kateqoriya 2, VİP biletlər 10 manata satışa çıxarılıb.

Qarşılaşmanı izləmək istəyənlər biletləri “iTicket.az” satış məntəqələrindən əldə edə bilərlər.

Oyun iyunun 10-da, saat 20:00-da “Liv Bona Dea Arena”da keçiriləcək.