Azərbaycan kubokunun 3 bombardiri

Azərbaycan kubokunun 2022/2023 mövsümünü 3 futbolçu bombardir kimi başa vurub.

Komanda.az Peşəkar Futbol Liqasının saytına istinadən xəbər verir ki, finalda “Neftçi” ilə görüşdə fərqlənən “Qəbələ”nin üzvü İsnik Alimi turnirin ən məhsuldar oyunçuları sırasına qoşulub.

Şimali makedoniyalı yarımmüdafiəçi “Sabah”ın hücumçusu Emmanuel Apeh və “Səbail”dən ayrılan Franko Mazureklə birlikdə aktivlərində 3 qolla ölkə kubokunun bombardiri olublar.

Ümumilikdə mövsümün 19 matçında 51 qol vurulub. Orta məhsuldarlıq 2,68-ə bərabər olub.

Bu qollara 37 futbolçu imza atıb. Fərid Nəbiyev (“Kəpəz”), Emin Mahmudov, Kenni Sayef (hər ikisi “Neftçi”), Musa Qurbanlı (“Qarabağ”), Felipe Santos, Rafael Utziq, Ramon Maçado (hamısı “Qəbələ”), Davit Volkov (“Sabah”) hərəyə 2 qola imza atıb. Digər oyunçular – Mixeil Erqemlidze, Abdullahi Şuaybu (hər ikisi “Kəpəz”), Yeqor Boqomolski (“Neftçi”), Emil Səfərov, Məqsəd İsayev, Omar Hani, Ülvi İsgəndərov (hamısı “Qəbələ” ), Coy Lens Mikels, Kristian Sebalyos (hər ikisi “Sabah”), Ədilxan Qarəhmədov, Emil Martinov, İlkin Muradov, Kizito Luvaqa, Maksim Çex, Mirabdulla Abbasov, Qoba Zakpa (hamısı “Səbail”), Ehtiram Şahverdiyev, Faiq Hacıyev, Natan Oduva, Runi Eva, Denis Marandiçi, Xəyal Nəcəfov (hamısı “Turan Tovuz”), Dmitrios Çantakias, Loris Broqno, Rəhim Sadıxov, Rüstəm Əhmədzadə (hamısı “Zirə”) isə hərəyə 1 qola sevinib.

Finalda “Neftçi”ni 1:0 hesabı ilə məğlub edən “Qəbələ” Azərbaycan kubokunu qazanıb.