Azərbaycan kubokunun iştirakçıları bilindi, püşkatmanın tarixi açıqlandı

Azərbaycan kubokunda 2020/2021-ci illər mövsümünün iştirakçı komandaları müəyyənləşib.

Komanda.az PFL-ə istinadən xəbər verir ki, yarışda Premyer Liqanın 8 komandası – “Qarabağ”, “Neftçi”, “Sumqayıt”, “Sabah”, “Səbail”, “Keşlə”, “Zirə” və “Qəbələ” ilə yanaşı, 1-ci divizion təmsilçiləri olan “Turan Tovuz”, “Zaqatala”, “Kəpəz” və “Qaradağ Lökbatan” mübarizə aparacaq.

 “CBC Sport” telekanalı vasitəsi ilə canlı yayımlanacaq püşkatma mərasimi 24 noyabr tarixdə AFFA-nın inzibati binasında keçiriləcək. Saat 13:00-da başlayacaq tədbir Azərbaycan Respublikası ərazisində koronavirus pandemiyası səbəbindən karantin rejimi tətbiq olunduğuna görə klub və KİV nümayəndələri üçün qapalı olacaq.