Azərbaycan klubu kolumbiyalı oyunçu ilə müqavilə bağlayıb

Kolumbiyalı voleybolçu Melissa Rangel karyerasını Azərbaycanda davam etdirəcək.

“Gəncə” klubundan Komanda.az-a verilən məlumata görə, oyunçu ilə müqavilə imzalanıb.

O, son mövsümü ölkəsində – “Beyond” klubunda keçirib. Melissa Rangel karyerası ərzində Peru, Portuqaliya, Braziliya və İspaniyada legioner həyatı yaşayıb.

Voleybolçu Peru çempionatının və Portuqaliya superkubokunun qalibi olub. Həmçinin, Kolumbiya millisinin heyətində Pan-Amerika oyunlarının qızıl və Pan-Amerika kubokunun gümüş medalını qazanıb.