Azərbaycan gimnastları dünya kubokunda finala yüksəliblər

Akrobatika gimnastikası üzrə Azərbaycan millisinin üzvləri Belçikanın Antverpen şəhərində keçirilən dünya kubokunda finala yüksəliblər.

Federasiyadan Komanda.az-a verilən məlumata görə, Ağasif Rəhimov və Raziyə Seyidlidən ibarət qarışıq cütlük, eləcə də Nəzrin Zeyniyeva, Zəhra Rəşidova və Anahita Bəşiridən ibarət qadın qrupu həlledici mərhələyə vəsiqə qazanıb.

Yarışa aprelin 9-da yekun vurulacaq.