Azərbaycan futbolunda Rövnəq Abdullayev dövrü bitir – Özü açıqladı

AFFA-nın prezidenti Rövnəq Abdullayev aprelin 2-də keçiriləcək Hesabat-Seçki konfransında namizədliyini irəli sürməyəcək.

Komanda.az milli assosiasiyanın rəsmi saytına istinadən xəbər verir ki, o, bu barədə Gəncədə keçirilən AFFA İcraiyyə Komitəsinin iclasında bildirib.

Abdullayev 2008-ci ildən AFFA prezidenti postunu tutur.

Toplantıda bir neçə məsələ müzakirə olub və bu qərarlar qəbul edilib:

1. AFFA-nın Növbəti Hesabat-Seçki Konfransı 2 aprel tarixinə təyin edilsin;

2. Müvafiq müraciətə əsasən, adları aşağıda göstərilmiş futbol veteranlarına AFFA-nın təqaüdü verilsin:

– İsmayıl Əliyev

– Esmiralda Ələkbərova (həkim)

– Qara Qarayev

– İqor Ponomaryov

– Vaqif Sadıqov

– Maşallah Əhmədov

“Kəpəz” Futbol Akedemiyasının tikintisi ilə bağlı İcraiyyə Komitəsinə hesabat təqdim edilib.