“Qəbələ”nin əvəzedici komandasının baş məşqçisi açıqlandı

Azərbaycanın futbol üzrə 1-ci divizionunda çıxış edəcək “Qəbələ-2” yeni mövsümün hazırlığına başlayır.

Komanda.az xəbər verir ki, “Qəbələ” İdman Klubunun tərkibində yeni yaradılan komanda bu gün ilk məşqinə çıxacaq. Əsasən futbol akademiyasının yetirmələrindən təşkil olunan ikinci komanda hazırlığına Qəbələ şəhər stadionunda start verəcək.

“Qəbələ-2”-ni bunadək U-19-un baş məşqçisi olan Famil Xəlilov çalışdıracaq. Onun yetirmələri yeni mövsümə hazırlıq dövründə bir neçə yoxlama oyununda da qüvvəsini sınayacaq.

1-ci divizionda 2021/2022-ci illər mövsümü sentyabrın 13-də start götürəcək. İki dövrədən ibarət olacaq çempionatda 13 komanda mübarizə aparacaq.