Azərbaycanlı futbolçuların komandası darmadağına üzüldü

Futbol üzrə Ukrayna Premyer Liqasında 23-cü turun oyunları keçirilib.

Komanda.az xəbər verir ki, azərbaycanlı hücumçular – Anatoli Nuriyevlə Rüstəm Əhmədzadənin formasını geyindyi “Minay” da növbəti matçına çıxıb.

Sözügedən komanda səfərdə “Dnepr”lə qarşılaşıb. “Minay” bu oyundan məğlubiyyətlə ayrılıb – 0:3.

Azərbaycanlı futbolçular da bu görüşün iştirakçısı olublar. Onlar start heyətdə meydana çıxıblar və sonadək mübarizə aparıblar. Nuriyev 62-ci dəqiqədə sarı vərəqə ilə də cəzalanıb.

“Minay” 23 turdan sonra 18 xalla 14 kollektiv arasında sonuncu pillədə qərarlaşıb.