Azərbaycan yığmasından Essyenli “Səbail”lə heç-heçə

21 yaşadək futbolçulardan ibarət Azərbaycan yığması Bakıdakı təlim-məşq toplanışı çərçivəsində bu gün ilk yoxlama matçını keçirib.

Komanda.az xəbər verir ki Milan Obradoviçin yetirmələri Azərbaycan Premyer Liqasında mübarizə aparan “Səbail”lə qarşılaşıb.

Bakı Olimpiya Stadionunun ehtiyat meydançasında keçirilən matçda qalib müəyyənləşməyib – 1:1.

Bu görüş “Səbail”in yeni transferi Maykl Essyen üçün də əlamətdar olub. Dünya şöhrətli ulduz futbolçu bu görüşün ikinci hissəsində meydana buraxılıb və o, yeni komandasında debüt matçını keçirib.

Qeyd edəki, yığmamız toplanış çərçivəsində daha bir sınaq matçına çıxacaq. Obradoviç yetirmələrini martın 26-da 1-ci divizionun lideri MOİK-lə görüşdə sınaqdan keçirəcək.

Yoxlama oyunu

23 mart

Azərbaycan (U-21) – Səbail 1:1
Qol: Fərid Nəbiyev, 20 – Ruslan Qurbanov, 8.