Azərbaycan millisinin üzvü qol vurdu, komandası qələbə qazandı

Ukraynanın “Aleksandriya” komandası yoxlama oyununda qüvvəsini sınayıb.

Komanda.az xəbər verir ki, Premyer Liqa təmsilçisi Danimarkanın “Vayle Boldklub” klubu ilə qarşılaşıb.

Matç Ukrayna təmsilçisinin 3:0 hesablı qələbəsiylə başa çatıb. “Aleksandriya”da çıxış edən azərbaycanlı futbolçu Emil Mustafayev də bu qarşılaşmanın iştirakçısı olub. 64-cü dəqiqədə meydana daxil olan U-21 millimizin üzvü 82-ci dəqiqədə komandasının 3-cü qolunu vurub.