Azərbaycan millisinin futbolçusu Rusiyada növbəti dəfə rəmzi komandaya seçildi

Azərbaycan millisinin futbolçusu Nigar Mirzəliyeva Rusiya Qadınlar Liqasında sonuncu – 26-cı turun rəmzi komandasına seçilib.

Komanda.az xəbər verir ki, bu barədə çempionatın mətbuat xidməti məlumat yayıb.

“Zenit”in formasını geyinən müdafiəçi ÇSKA ilə matçdan (0:1) sonra fərqləndirilib.

O, Moskva təmsilçisi ilə görüşdə start heyətində meydana çıxıb və 70-ci dəqiqədə əvəzlənib.

“Zenit” 2025/2026 mövsümünü 52 xalla 3-cü pillədə başa vurub. Müdafiəçi, daha əvvəl 10, 13 və 17-ci turlarda da həftənin rəmzi “11-liy”ində yer alıb.