Azərbaycan millisi ilk oyunda qələbə qazanıb

Azərbaycanın qadınlardan ibarət həndbol millisi Özbəkistanın paytaxtı Daşkənddə keçirilən Mərkəzi Asiyanın Açıq Çempionatında ilk matçına çıxıb.

Komanda.az xəbər verir ki, yığma yerli OKMK klubu ilə üz-üzə gəlib. Qarşılaşma komandamızın 30:28 (18:13) hesablı qələbəsi ilə yekunlaşıb.

Mayın 21-dək davam edəcək yarışda 9 komanda mübarizə aparır.

Yığmamız A qrupunda Qazaxıstanın ALMATA REGİON və Özbəkistanın ROPSTTM komandaları ilə də qarşılaşacaq.

Qruplarda ilk iki yeri tutacaq komandalar yarımfinala yüksələcəklər.