Azərbaycan millisi Ermənistanla eyni qrupa düşdü

Azərbaycanın 16 yaşadək basketbolçulardan ibarət millisi 2023-cü il Avropa çempionatının seçmə mərhələsində Ermənistanla eyni qrupa düşüb.

Komanda.az Beynəlxalq Basketbol Federasiyasının rəsmi saytına istinadən xəbər verir ki, C Divizionunda mübarizə aparacaq yığmanın püşkatma nəticəsində B qrupundakı digər rəqibləri də məlum olub.

Azərbaycan millisi seçmə mərhələdə Ermənistanla yanaşı, Albaniya, Kipr və San Marino ilə də qarşılaşacaq.

B qrupunun oyunları bu il 19-27 iyulda Kosovonun paytaxtı Priştinada keçiriləcək.