“Azərbaycan gələcəyin sürpriz milli komandası ola bilər”

Azərbaycan milli komandasının baş məşqçisi Canni De Byazinin köməkçilərindən olan Klaudio Beluççi İtaliya mətbuatına müsahibə verib.

Komanda.az xəbər verir ki, Belluççi, müsahibəsində Azərbaycan milli komandası haqda da danışıb:

“Ölkə davamlı inkişafdadır. Azərbaycan gələcəyin sürpriz milli komandası ola bilər. Bizim hədəfimiz budur. DÇ-2022? Əlbəttə, niyə də düşünməyək?”

DÇ-2022-nin seçmə mərhələsində Portuqaliya, Serbiya, Lüksemburq və İrlandiya ilə bir qrupda yer alan Azərbaycan millisi ilk iki oyunda xal qazana bilməyib.