Azərbaycan kuboku: “Dinamo” qalib gəldi, “Səbail”ə rəqib oldu

Azərbaycan kubokunda 1-ci təsnifat mərhələsinə yekun vurulub.

Komanda.az xəbər verir ki, günün yeganə matçında 2-ci Liqa təmsilçiləri “Dinamo” və “Füzuli” komandaları üz-üzə gəlib.

“Neftçi” Futbol Mərkəzində keçirilən qarşılaşma “Dinamo”nun 4:0 hesablı qələbəsi ilə bitib.

“Dinamo” 2-ci təsnifat mərhələsində “Səbail”ə rəqib olub.

Daha əvvəl “Şahdağ Qusar” “Kür-Araz”ı (3:1), “Şəfa” “Saatlı-Araz”ı (2:0), “Şəmkir” “Şəki City”ni (1:0), “Ağdaş” “Lerik”i (4:0), “Şimal” “Qusar”ı (4:1), “Hypers Guba” “Göygöl”ü (3:2) məğlub edərək, növbəti mərhələyə yüksəlib.