Azərbaycan komandaları 1/4 finalda

Çimərlik voleybolu üzrə “Bioderma Pro Beach Tour” açıq çempionatında iştirak edən kişilərdən ibarət komandalarımız 1/4 finala yüksəliblər.

Komanda.az xəbər verir ki, yarışda ölkəmizi təmsil edən Vüqar Bayramov/Ülvi Rəcəbli və Vadim Kutukov/Heydər Məmmədli cütləri bu mərhələdə bir-birlərinə rəqib olacaqlar. Qarşılaşma bu gün baş tutacaq.

Yarışda bir qadın cütümüz də iştirak edib (Fidan Əhmədxanova/Larisa Smeltsova). Onlar bu gün 1/8 finalda Türkiyə təmsilçiləri (Ceylin.S/Su.Ş) ilə qarşılaşablar, komandamız 0:2 hesabı ilə məğlub olaraq mübarizəni dayandırıblar.

Sentyabrın 29-da Türkiyənin Mersin şəhərində start götürən yarışın qalibləri oktyabrın 1-də müəyyən olunacaq.