Azərbaycan klubunda yeni məşqçi təyinatı

Bu ildən Azərbaycan Basketbol Liqasında mübarizə aparacaq “Ordu” klubunda yeni təyinat reallaşıb.

Klubdan Komanda.az-a verilən məlumata görə, Anar Hacıyev komandanın məşqçisi təyin olunub.

O, baş məşqçi Alberto Blankonun köməkçisi funksiyasını yerinə yetirəcək.

Anar Hacıyev son olaraq “Sərhədçi” klubunda və Azərbaycanın U-20 yığmasında köməkçi məşqçi kimi çalışıb.