Azərbaycan çempionatlarında pley-off oyunlarının vaxtı açıqlandı

Futbol üzrə Azərbaycan 1-ci, 2-ci və Region Liqasında pley-off oyunlarının vaxtı bəlli olub.

Komanda.az Peşəkar Futbol Liqasının rəsmi saytına istinadən xəbər verir ki, ilk oyunlar mayın 28-29-na təsadüf edəcək.

Cavab qarşılaşmaları isə iyunun 4-5-də oynanılacaq.

2024/2025 mövsümündə 1-ci Liqaya vəsiqə uğrunda cari mövsüm 1-ci Liqada 9-cu yeri tutmuş klubla II Liqada 2-ci olmuş və 2-ci Liqada çıxış etmək üçün cari mövsüm II Liqada 13-cü yeri tutan komanda ilə AFFA Region Liqasının finalçısı pley-off matçlarında üz-üzə gələcəklər. Bununla əlaqədar mayın 25-i saat 15:00-da AFFA-nın inzibati binasında iddiaçı klubların təmsilçiləri ilə görüş keçiriləcək, pley-off mərhələlərinin püşkü atılacaq, eləcə də oyunların keçirilməsi detalları müzakirə olunacaq.

1-ci və 2-ci Liqa
İlk oyun: 28 may
Cavab oyunu: 04 iyun

2-ci Liqa və Region Riqası
İlk oyun: 29 may
Cavab oyunu: 05 iyun