Azərbaycan Premyer Liqası: Bir komandayla ən çox oyun keçirən futbolçular bilindi

Azərbaycan çempionatlarında eyni klubda ən çox oyun keçirən futbolçu Maksim Medvedevdir.

Komanda.az PFL-ə istinadən xəbər verir ki, o, “Qarabağ”ın heyətində 285 dəfə Premyer Liqa matçına çıxıb. Onun sabiq komanda yoldaşı Aslan Kərimov Ağdam təmsilçisində 268 görüşdə iştirak edib. İlk “üçlüy”ü “Xəzər Lənkəran”da 254 oyunda forma geyinən Rahid Əmirquliyev qapayır. Lakin Maksimdən fərqli onun hər iki izləyicisi ayrı-ayrı illərdə digər klublarda da oynamağa imkan tapıb.

Bir komandada ən çox oyun keçirən 10 futbolçunun siyahısında “Qarabağ”ın futbolçuları çoxluq təşkil edir. Ağdamlıların 6 oyunçusu bu siyahıya düşüb. “Turan”da iki, “Viləş”lə “Xəzər Lənkəran”da bir futbolçu fərqlənib.

İlk “onluq”da yeganə legioner Ansi Aqollidir. “Qarabağ”ın albaniyalı müdafiəçisinin aktivində 223 matç var.

İlk 10 sırada yer alanlardan yalnız Maksim indi də eyni komandanın şərəfini qoruduğundan nəticəsini daha da artıra bilər.

1 Maksim Medvedev (Qarabağ) – 285 oyun
2 Aslan Kərimov (Qarabağ) – 268
3 Rahid Əmirquliyev (Xəzər Lənkəran) – 254
4 Sakit Alıyev (Turan) – 248
5 Müşfiq Hüseynov (Qarabağ) – 244
6 Nizami Sadıqov (Turan) – 237
7 Səttar Əliyev (Qarabağ) – 230
8 Yaşar Hüseynov( Qarabağ) – 226
9 Ansi Aqolli (Qarabağ) – 223
10 Müşfiq Vəliyev (Viləş) – 221