Azər Əliyev oynadı, “Ufa” doğma meydanda məğlub oldu

Futbol üzrə Rusiya Premyer Liqasında 20-ci turun oyunları keçirilir.

Komanda.az xəbər verir ki, azərbaycanlı futbolçu Azər Əliyevin formasını geyindiyi “Ufa” da növbəti matçına çıxıb.

Sözügedən kollektiv doğma meydanda “Axmat” ilə qarşılaşıb. Futbolçumuzun komandası bu oyundan məğlubiyyətlə ayrılıb – 0:1.

Azər də bu görüşün iştirakçısı olub. O, 70-ci dəqiqədə meydana buraxılıb.

“Ufa” hazırda 16 xalla 16 iştirakçı arasında 15-ci pillədə qərarlaşıb.