Ayxan Abbasov: “Məğlubiyyətə layiq deyildik”

“Sumqayıt”ın baş məşqçisi Ayxan Abbasov Azərbaycan Premyer Liqasının 25-ci turu çərçivəsində “Səbail”ə qarşı keçirdikləri oyunu şərh edib.

Komanda.az xəbər verir ki, o, 1:2 hesabı ilə məğlub olduqları matçdan sonra təşkil olunan mətbuat konfransında bunları söyləyib:

“Qələbəni əldən buraxdıq. Məğlubiyyətə layiq deyildik. Bu oyunu udub, kuboka motivasiyalı getmək istəyirdik. Hər şey son oyunlarda həll olunacaq. Futbolçular meydanda çalışdılar. Amma yenə son nöqtəni qoymaqda çətinliklə üzləşdik. Ümid edirik ki, qarşıdakı oyunlarda bunu da bacaracağıq. Bu gün gənc futbolçulara şans vermişdik. Müəyyən inamsızlıq ola bilər. Ancaq xarakter var. Bu gün bir sıra oyunçularda həyəcan var idi. Hər birinə inandığımızı bildirmişdik. Kubokda uğurlu olmalıyıq. Məhz bu üzdən heyətdə müəyyən rotasiyalar etmişdik. Çünki “Zirə” ilə qarşılaşma bizim üçün çox önəmlidi. Bəlkə əzmkarlıq göstərərək, bu ilin ağrı-acısını unutdura bilərik”.