Misirli hücumçu “Mançester Siti”yə keçməyəcək

Frankfurt “Ayntraxt”ının hücumçusu Ömər Marmuş yanvar ayında “Mançester Siti”yə keçməyəcək.

Komanda.az xarici KİV-ə istinadən xəbər verir ki, “şəhərlilər”in Bundesliqa klubunun forvardına marağı ilə bağlı məlumatlar keçən ayın sonunda ortaya çıxıb. Misirli futbolçunun qış transfer pəncərəsində “Mançester Siti”yə keçəcəyi ilə bağlı söz-söhbətlərə baxmayaraq, o, “Ayntraxt”ı tərk etməyəcək. Belə olan halda, Premyer Liqa klubu keçidi ən azı yaya qədər təxirə salmalı olacaq.

25 yaşlı Marmuş bu mövsüm Frankfurt klubunun heyətində 24 matçda 18 qol vurub və 12 məhsuldar ötürmə edib.