Ayaz Quliyevli “Spartak” derbidən məğlub ayrıldı

Futbol üzrə Rusiya Premyer Liqasında 22-ci turun oyunları keçirilib.

Komanda.az xəbər verir ki, azərbaycanlı futbolçu Ayaz Quliyevin formasını geyindiyi Moskva “Spartak”ı da növbəti matçına çıxıb.

Sözügedən komanda doğma meydanda paytaxtın digər təmsilçisi ÇSKA ilə üz-üzə gəlib. Ayazın komandası derbidən məğlubiyyətlə ayrılıb – 0:2.

Quliyev də bu görüşün iştirakçısı olub. O, 62-ci dəqiqədə meydana buraxılıb. Ayaz 64-cü dəqiqədə sarı vərəqə ilə də cəzalanıb.

Hazırda “Spartak” 36 xalla 16 iştirakçı arasında 5-ci pillədə qərarlaşıb.