“Qarabağ” ÇSKA-ya qalib gəldi

Avstriyada təlim-məşq toplanışında olan “Qarabağ” bu gün ilk yoxlama oyununa çıxıb.

Komanda.az xəbər verir ki, Qurban Qurbanovun rəhbərlik etdiyi kollektiv Bolqarıstanın ÇSKA komandası ilə qarşılaşıb. Sofiya təmsilçisi ilə görüş Ağdam təmsilçisinin qələbəsiylə başa çatıb.

“Qarabağ” Avstriya toplanışında Rusiyanın “Arsenal” (Tula) və Almaniyanın “Auqsburq” komandaları ilə də yoxlama oyunu keçirəcək.

Yoxlama oyunu

7 iyul

Qarabağ – ÇSKA (Bolqarıstan) 1:0
Qol: Musa Qurbanlı, 69.