Avstriyada futbol bərpa olundu, “Zalsburq” kubok qazandı

Avstriyada koronavirus pandemiyasına görə yaranan məcburi fasilə başa çatıb.

Komanda.az xəbər verir ki, ötən gün bu ölkədə kubokun final qarşılaşması baş tutub.

Həlledici oyunda “Zalsburq” və “Austriya” komandaları üz-üzə gəlib. Rəqibini 5 cavabsız qolla məğlub edən “Zalsburq” tarixində 7-ci dəfə Avstriya kubokunun qalibi olub.

Mövsümün başa çatmasına 10 tur qalan Avstriya Bundesliqasının isə iyunun 2-dən etibarən bərpa edilməsi nəzərdə tutulur. Oyunlara azarkeş buraxılmayacaq. Avstriya Bundesliqası koronavirus pandemiyasına görə mart ayında, 22-ci turda dayandırılıb.