Kulibalidən transfer açıqlaması: “Napoli”dən ayrılacaq?

Avropanın nəhəng klublarının diqqət mərkəzində olan “Napoli”nin futbolçusu Xalidu Kulibali gələcəyiylə bağlı açıqlama verib.

Komanda.az “goal.com”a istinadən xəbər verir ki, 28 yaşlı futbolçu, Afrika Millətlər Kuboku turnirindən sonra qərarını verəcəyini deyib:

“Napoli”də qalacam? Bilmirəm, bəlkə də hə. Hazırda bütün diqqətimi Afrika Millətlər Kubokuna vermişəm. Turnir bitdikdən sonra “Napoli”yə qayıdacam və qərarımı verəcəm.

Hazırda hamı mənim transferim haqda danışır, ancaq mən Seneqal millisi haqda düşünürəm. Çünki yığma ilə ciddi uğur qazanmaq istəyirəm. Gələcəyim haqda danışmaq istəmirəm”.

Kulibali ilə “Mançester Yunayted” və “Mançester Siti” yaxından maraqlanır. “Napoli”nin prezidenti Aurelio De Laurentis bir müddət əvvəl verdiyi açıqlamada, Kulibalini 120 milyon avro qarşılığında sata biləcəklərini demişdi.