Avropanın 4 klubundan biri – “Qarabağ”

Misli Premyer Liqasının 10-cu turunda “Sumqayıt” üzərində 3:1 hesablı qələbə qazanan “Qarabağ” itkisiz irəliləməkdə davam edir.

Komanda.az xəbər verir ki, Ağdam klubu Avropada öz liqasında büdrəməyən 4 komandadan biridir.

Qurban Qurbanovun komandası ilə yanaşı, Lüksemburq “Düdelanj”ı, Yunanıstan təmsilçisi “Panatinaikos” və Ukrayna “Dnepr-1″i də eyni uğuru davam etdirir. “Qarabağ”la “Düdelanj” 9 matçdır qələbələri sıralayırsa, “Panatinaikos”da bu say 8-ə, “Dnepr-1″də isə 6-ya bərabərdir.

Azərbaycan və Lüksemburq çempionlarının top fərqi də eynidir. Yeganə fərq “Düdelanj”ın bir qol çox vurub, bir top çox buraxmasıdır. Yəni lüksemburqlularda top fərqi 29:8, “Qarabağ”da 28:7-dir. “Panatinaikos” 8 görüşdə 14 top vurub, qapısında cəmi 2 qol görüb. “Dnepr-1” 2 dəfə mərkəzə dəvət olubsa, rəqib qapıçılarını 17 dəfə cəzalandırıb.

“Qarabağ” Premyer Liqada növbəti oyununu oktyabrın 20-də “Turan Tovuz”a qarşı keçirəcək.