Avropa Oyunları: Lunyov final mərhələsinə yüksələ bilmədi

Azərbaycan atıcısı Ruslan Lunyov Polşada keçirilən Avropa Oyunlarındakı ilk çıxışında 11-ci yeri tutub.

Komanda.az xəbər verir ki, ikiqat Avropa çempionu 10 metr məsafəyə pnevmatik tapançadan atəş açma yarışında final mərhələsinə vəsiqə qazana bilməyib.

577 xal toplayan 34 yaşlı idmançı ilk 8-likdən kənarda qalıb.

Lunyov iyunun 29-30-da isə 25 metr məsafəyə atəş açmada qüvvəsini sınayacaq.

Bu gün qadınlar arasında 10 metr məsafəyə pnevmatik tapançadan atəş açma yarışında Nigar Nəsirova və Nəzrin Abbaslı çıxış edəcəklər.