“Onlar bizə qarşı həddindən artıq motivasiyalı oynayacaqlar”

Avropa Liqasının 1-ci təsnifat mərhələsində “Səbail”in rəqibi olan “Universitatya Krayova” klubu yoxlama oyununda Macarıstan təmsilçisi “Ferentsvaroş”a məğlub olub.

Komanda.az xəbər verir ki, “Universitatya Krayova”nın baş məşqçisi Korneliu Papure klubun saytına 0:4 hesabıyla bitən görüş haqda fikirlərini bildirib:

“Macarıstan çempionuna böyük hesabla uduzduq. Amma bu məğlubiyyətdən müsbət məqamlar da qazana bilərik.

“Səbail” çətin rəqibdir. Onların avrokuboklarda təcrübəsi olmaya bilər. Ancaq bilirəm ki, onlar bizə qarşı həddindən artıq motivasiyalı oynayacaqlar”.

“Səbail” “Universitatya Kravova”ya qarşı ilk oyununu iyulun 11-də Bakıda, cavab görüşünü ayın 18-də səfərdə keçirəcək.