Avropa Liqasında həftənin futbolçusu adına namizədlər

UEFA Avropa Liqasında 1/4 final mərhələsinin ilk oyunlarından sonra həftənin ən yaxşı futbolçusu adına namizədlər məlum olub.

Komanda.az xəbər verir ki, bu ada Portuqaliya “Braqa”sından Abel Ruis, İtaliya “Atalanta”sının qapıçısı Xuan Musso, Fransa “Lion”undan Tanquy Ndombele və Almaniyanın “Ayntraxt” klubundan Ansqar Knauff namizəddir.

UEFA Konfrans Liqasında isə həftənin futbolçusu adına Niderlandın PSV komandasından Mauro Junior, Çexiyanın “Slaviya” (Praqa) klubundan İra Sor, Norveç “Bude Qlimt”indən Ulrik Saltnes və Fransa “Marsel”indən Dmitri Payet namizəddir.

Qalib UEFA-nın rəsmi saytında azarkeşlər arasında səsvermədən sonra bilinəcək.