Avropa Liqası və Konfrans Liqasında həftənin futbolçusu adına namizədlər

UEFA Avropa Liqası və Konfrans Liqasında 1/4 final mərhələsinin cavab oyunlarından sonra həftənin futbolçusu adına namizədlər açıqlanıb.

Komanda.az xəbər verir ki, Avropa Liqasında siyahıda “Leyptsiq”dən (Almaniya) Kristofer Nkunku, “Reyncers”dən (Şotlandiya) Ceyms Tavernye, “Ayntraxt”dan (Almaniya) Filip Kostiç və “Vest Hem”dən (İngiltərə) Kreyq Douson yer alıb.

Konfrans Liqasında isə həftənin futbolçusu adına namizədlər İngiltərə “Lester”indən Ceyms Meddison, Niderland “Feyenoord”undan Siril Dessers, Fransa “Marsel”indən Dimitri Payet və İtaliya “Roma”sından Nikolo Zaniolo olub.

Qalib UEFA-nın rəsmi saytında səsvermə yolu ilə müəyyənləşəcək.