Avropa Liqasında gecənin nəticələri

Bu gün Avropa Liqasında 3-cü təsnifat mərhələsinin ilk oyunlarına yekun vurulub.

Komanda.az xəbər verir ki, ilk oyun günündə üç qarşılaşma keçirilib. Monteneqronun “Sutyeska” klubu Şimali İrlandiya “Linfild”ini qəbul edib. Üç qolun qeydə alındığı matçda sevinən tərəf qonaqlar olub. “Qarabağ” Çempionlar Liqasında APOEL səddini keçə bilməsə, Avropa Liqasının pley-off mərhələsində bu cütlüyün qalibi ilə qarşılaşacaq.

Dünən isə daha bir oyun keçirilib. İrlandiyanın “Dandalk” klubu səfərdə Slovakiya “Slovan”ının qonağı olub. Çempionlar Liqasının 2-ci təsnifat mərhələsində “Qarabağ” tərəfindən mübarizədən kənarlaşdırılan İrlandiya çempionu “Slovan”la ilk oyundan da məğlub ayrılıb.

Azərbaycanın turnirdə yeganə təmsilçisi olan “Neftçi” ilk oyununu bu gün keçirib. “Ağ-qaralar” Bakıda İsrailin “Bney Yehuda” klubunu qəbul edib və məhsuldar heç-heçəyə razılaşıb. “Neftçi” bu mərhələni keçsə, pley-offda “Malmö” – “Jirinski” cütünün qalibi ilə qarşılaşacaq. Hansı ki, bu komandaların ilk duelində İsveç təmsilçisi darmadağına imza atıb.

Türkiyənin turnirdəki təmsilçilərindən olan “Trabzonspor” da turnirdə ilk oyununu keçirib. Qaradəniz təmsilçisi Çexiyanın “Sparta” klubunun qonağı olub və heç-heçəyə razılaşıb. Digər Türkiyə klubu “Yeni Malatyaspor” isə “Partizan” səfərindən məğlubiyyətlə qayıdıb.

“Səbail”i Avroliqadan kənarlaşdırmış Rumıniyanın “Universitatya Krayova” klubu bu dəfə Yunanıstan AEK-i ilə qarşılaşıb və 2 cavabsız qola üzülüb. “Qəbələ”nin keçə bilmədiyi Tiflis “Dinamo”su (Gürcüstan) isə Hollandiyanın “Feyenoord” klubu tərəfindən darmadağına məruz qalıb.

Avropa Liqası, 3-cü təsnifat mərhələsi, ilk oyunlar

6 avqust

Ararat (Ermənistan) – Saburtalo (Gürcüstan) 1:2
Qol: Kobilako, 31 – Altunaşvili, 72; 76.

Riqa (Litva) – HİK (Finlandiya) 1:1
Qol: Bilinski, 81 – Varyinen, 77.

Sutyeska (Monteneqro) – Linfild (Şimali İrlandiya) 1:2
Qol: Kojaseviç, 11 – Millar, 38; 65.

7 avqust

Slovan (Slovakiya) – Dandalk (İrlandiya) 1:0
Qol: Holman, 86.

8 avqust

Astana (Qazaxıstan) – Valletta (Malta) 5:1
Qol: Siquryonsson, 8; 57. Loqvinenko, 15. Tomasov, 35. Yanqa, 89 – Fontanella, 67.

AEK (Kipr) – Gent (Belçika) 1:1
Qol: Triçkovski, 88 – Yaremçuk, 26.

Pünik (Ermənistan) – Vulverhempton (İngiltərə) 0:4
Qol: Doherti, 29. R.Ximenes, 42; 46. Neves, 90+1-pen.

Sparta (Çexiya) – Trabzonspor (Türkiyə) 2:2
Qol: N.Kosta, 16. Kanqa, 68 – Ekuban, 84. Sorlot, 89.

Universitatya Krayova (Rumıniya) – AEK (Yunanıstan) 0:2
Qol: Mantalos, 60. Livaya, 85.

Brondbü (Danimarka) – Braqa (Portuqaliya) 2:4
Qol: Kayser, 15; 50 – Paulinyo, 18. Horta, 20; 90+2. Hermansson, -öz qapısına.

Ventspils (Latviya) – Vitoriya (Portuqaliya) 0:3
Qol: Davidson, 30; 50. Amoa, 80.

Hauqsen (Norveç) – PSV (Hollandiya) 0:1
Qol: Berqveyn, 24–pen.

Mariupol (Ukrayna) – Alkmaar (Hollandiya) 0:0

Malmö (İsveç) – Jirinski (Bosniya və Herseqovina) 3:0
Qol: Benqtsson, 36. Kristiansen, 66. Rieks, 74.

Molde (Norveç) – Aris (Yunanıstan) 3:0
Qol: Eikrem, 27. Hestad, 32. Ellinqsen, 87.

Neftçi (Azərbaycan) – Bney Yehuda (İsrail) 2:2
Qol: Monroz, 43. Ələsgərov, 90+7 – Tambi, 26. Qadir, 36.

Şerif (Moldova) – AİK (İsveç) 1:2
Qol: Kendsi, 56-pen – Lukiç, 12-öz qapısına. Siqtorsson, 13.

Tyun (İsveçrə) – Spartak (Moskva, Rusiya) 2:3
Qol: Hefti, 52. Rapp, 59 – Ponse, 22. Bakayev, 29; 73.

Antverpen (Belçika) – Viktoriya (Çexiya) 1:0
Qol: İ.Rodriqes, 29.

ÇSKA (Bolqarıstan) – Zarya (Ukrayna) 1:1
Qol: Evandro, 13 – Yurçenko, 45+1.

Feyenoord (Hollandiya) – Dinamo (Gürcüstan) 4:0
Qol: Sinisterra, 43. Koburi, 82-öz qapısına. Berqis, 85-pen. Narsinq, 88.

Lokomotiv (Plovdiv, Bolqarıstan) – Strasburq (Fransa) 0:1
Qol: Mitroviç, 11.

Ludoqorets (Bolqarıstan) – TNS (Uels) 5:0
Qol: Harrinqton, 10-öz qapısına. Tçibota, 28. Lukoki, 43. Keseru, 65. Moti, 76.

Makkabi (İsrail) – Suduva (Litva) 1:2
Qol: Ofoedu, 84 – Kerla, 37. Yankauskas, 76.

Sarayevo (Bosniya və Herseqovina) – BATE (Belarus) 1:2
Qol: Handziç, 79 – Baqa, 19. Mukam, 71.

Midtyulland (Danimarka) – Reyncers (Şotlandiya) 2:4
Qol: Onyeka, 58. Kaba, 63 – Morelos, 43. Aribo, 52. Katiç, 56. Arfield, 70.

Norçöpinq (İsveç) – Hapoel Beer-Şeva (İsrail) 1:1
Qol: Sema, 51 – Şamir, 55.

Düdelanj (Lüksemburq) – Nomme Kalyu (Estoniya) 3:1
Qol: Stolz, 28; 30; 75 – Puri, 41.

Riyeka (Xorvatiya) – Aberdin (Şotlandiya) 2:0
Qol: Çolak, 62-pen. Muriç, 88.

Austriya (Avstriya) – Apollon (Kipr) 1:2
Qol: Klayn, 41-pen – Markoviç, 14-pen. Qakpe, 50.

Styaua (Rumıniya) – Mlada Boleslav (Çexiya) 0:0

Vaduts (Lixtenşteyn) – Ayntraxt (Almaniya) 0:5
Qol: Kostiç, 11; 27. Kohr, 40. Pasiensia, 53. Qaçinoviç, 63.

Legiya (Polşa) – Atromitos (Yunanıstan) 0:0

Lütsern (İsveçrə) – Espanyol (İspaniya) 0:3
Qol: Ferreyra, 28. Vila, 60. Varqas, 89.

Partizan (Serbiya) – Yeni Malatyaspor (Türkiyə) 3:1
Qol: Sadiq, 4. Asano, 67. Souma, 89 – Çebake, 84.

Torino (İtaliya) – Şaxtyor (Belarus) 5:0
Qol: Belotti, 2; 63-pen. İzzo, 15. De Silvestri, 72. Bonifazi, 76.