Avropa Liqası: “Qarabağ” bu gün Norveç klubu ilə qarşılaşacaq

“Qarabağ” bu gün UEFA Avropa Liqasının Liqa mərhələsinin 4-cü turunda səfərdə Norveçin “Bodo Qlimt” klubu ilə qarşılaşacaq.

Komanda.az xəbər verir ki, Bodo şəhərindəki “Aspmira” stadionunda baş tutacaq oyun saat 21:45-də başlayacaq.

Matçın baş hakimi portuqaliyalı Luiş Qodinyu olacaq.

“Qarabağ” UEFA Avropa Liqasının Liqa mərhələsinin ilk 3 turunda “Tottenhem”ə (İngiltərə) 0:3, “Malmö”yə (İsveç) 1:2, “Ayaks”a (Niderland) 0:3 hesabı ilə məğlub olub.

UEFA Avropa Liqası

Liqa mərhələsi, 4-cü tur

7 noyabr

21:45. Bodo Qlimt (Norveç) – Qarabağ
Baş hakim: Luiş Qodinyu (Portuqaliya)
Bodo, “Aspmira” stadionu