Avropa Liqası: “Qalatasaray” “Barselona” ilə qarşılaşacaq!

Bu gün UEFA Avropa Liqasında 1/8 final mərhələsinin püşkatma mərasimi keçirilib.

Komanda.az xəbər verir ki, İsveçrənin Nyon şəhərində təşkil olunan tədbirdə Türkiyənin “Qalatasaray” klubunun da rəqibi məlum olub. İstanbul təmsilçisi 1/8 finalda İspaniyanın “Barselona” komandası ilə qarşılaşacaq. “Sarı-qırmızılar” ilk oyunu səfərdə keçirəcək.

UEFA Avropa Liqası, 1/8 final

“Srvena Zvezda” (Serbiya) – “Reyncers” (Şotlandiya)

“Braqa” (Portuqaliya) – “Monako” (Fransa)

“Portu” (Portuqaliya) – “Lion” (Fransa)

 “Atalanta” (İtaliya) – “Bayer” (Leverkuzen, Almaniya)

“Sevilya” (İspaniya) – “Vest Hem” (İngiltərə)

“Barselona” (İspaniya) – “Qalatasaray” (Türkiyə)

“Leyptsiq” (Almaniya) – “Spartak” (Moskva, Rusiya)

“Betis” (İspaniya) – “Ayntraxt” (Frankfurt, Almaniya)

İlk oyunlar martın 10-da, cavab görüşləri martın 17-də keçiriləcək.