Avropa Liqası: “Neftçi”dən finlərlə ilk oyunda heç-heçə

Bu gün UEFA Avropa Liqasında 3-cü mərhələnin ilk oyunlarına start verilib.

Komanda.az xəbər verir ki, Azərbaycanın turnirdəki təmsilçisi “Neftçi” də ilk matçına bu gün çıxıb. “Ağ-qaralar” Bakıda Finlandiyanın HİK komandasını qəbul edib. 8-ci km stadionunda keçirilən görüşdə 4 qol qeydə alınsa da, qalib müəyyənləşməyib.

“Neftçi” HİK-i mübarizədən kənarlaşdırsa, pley-off mərhələsində “Fənərbaxça” ilə qarşılaşacaq. Bu cütün uduzan komandası isə Konfrans Liqasının pley-offunda “Makkabi” (Hayfa, İsrail) – “HB Torşavn” (Farer adaları) cütünün qalibinə rəqib olacaq.

Avropa Liqası, 3-cü mərhələ, ilk oyunlar

3 avqust

Neftçi – HİK 2:2
Qol: Sabir Buqrin, 59. Emin Mahmudov, 80 – Roope Riski, 61. Jair, 65.
Baş hakim: Uilyam Kollum (Şotlandiya)

Neftçi: 30. Aqil Məmmədov, 3. Mamadu Mbodj, 6. Voyislav Stankoviç, 8. Emin Mahmudov (k), 10. Sezar Meza Kolli, 11. Harramiz Soares, 14. Romen Bask, 24. Yusuf Laval, 29. Sabir Buqrin, 36. Mamadu Kane, 97. Xəyal Nəcəfov.
Ehtiyat oyunçular: 12. Kamran İbrahimov, 94. Əlirza Müştəbazadə, 19. Fəhmin Muradbəyli, 21. İsmayıl Zülfüqarlı, 22. Mirabdulla Abbasov, 26. Ömər Buludov, 27. Fərid Yusifli, 37. Vüsal Əsgərov, 70. Asim Əlizadə, 72. Emin Zamanov.
Baş məşqçi: Samir Abasov.
HJK: 12. Yakob Tannander, 3. Yanne Saksela, 5. Daniel O`Şonessi (k), 6. Jair, 10. Lukas Linqman, 11. Roope Riski, 13. Luis Karlos Murilyo, 15. Miro Tenho, 16. Valtteri Moren, 24. David Braun, 27. Filip Valençiç.
Ehtiyat oyunçular: 31. Hüqo Keto, 79. Matias Niemela, 7. Luis Enrike, 9. Riku Riski, 14. Sebastyan Dalström, 22. Kevin Kuassivi-Benissan, 29. Antoni Olusanya, 47. Matti Peltola.
Baş məşqçi: Toni Koskela.