Azərbaycan millisinin heyətində dəyişiklik

Avropa çempionatının seçmə mərhələsi çərçivəsində fevralın 18-də İspaniya, 23-də isə Moldova yığmasına qarşı keçiriləcək oyuna hazırlıq məqsədilə Bakıda təlim-məşq toplanışında olan qadınlardan ibarət Azərbaycan millisinin heyətində dəyişiklik baş verib.

Komanda.az xəbər verir ki, bu barədə AFFA-nın mətbuat xidməti məlumat yayıb. Rusiyanın “Zenit” klubunun üzvü Jalə Məhsimovanın əvəzinə toplanışa Lamiyə Əlizadə (8-iOEUGiM) dəvət olunub.