Avropa Acıq turnirində Azərbaycanı təmsil edəcək cüdoçular – siyahı

Martın 5-də Çexiyanın paytaxtı Praqada start götürəcək Avropa Açıq turnirində Azərbaycanı qadın cüdoçular təmsil edəcək.

Komanda.az federasiyanın mətbuat xidmətinə istinadən xəbər verir ki, iki gün davam edəcək yarışda baş məşqçi Rəşad Məmmədovun rəhbərliyi altında 6 idmançı mübarizə aparacaq.

Turnirə Aydan Vəliyeva, Aişə Qurbanlı (hər ikisi -48 kq), Səbinə Əliyeva (-52 kq), Fidan Əlizadə (-57 kq), Aytac Qardaşxanlı (-63 kq) və Südabə Ağayeva (-70 kq) qatılacaq.

Avropa Açıq turnirində 46 ölkədən 589 (360 kişi, 229 qadın) idmançı mübarizə aparacaq.

Bu yarışda 48 kq çəki dərəcəsində Şəfəq Həmidova da yarışmalı idi. Lakin o hazırda müalicə aldığı üçün heyətdən çıxarılıb.