Avroliqa və Konfrans Liqasında həftənin ən yaxşısı adına namizədlər

UEFA Avropa Liqası və Konfrans Liqasında həftənin ən yaxşı futbolçusu adına namizədlər məlum olub.

Komanda.az xəbər ki, Avropa Liqasında Ceyms Tavernye (“Reyncers”, Şotlandiya), Rikardo Orta (“Braqa”, Portuqaliya), Mehdi Taremi (“Portu”, Portuqaliya) və Ruslan Malinovski (“Atalanta”, İtaliya) həftənin futbolçusu adına namizəddir.

Konfrans Liqasında isə Ola Solbakken (“Bude Qlimt”, Norveç), Ceyms Maddison (“Lester”, İngiltərə), İra Sor (“Slaviya”, Çexiya) və Eli Dasa (“Vitess”, Niderland) ən yaxşı adına namizəd olub.

Qalib UEFA-nın rəsmi saytında azarkeşlər arasında səsvermədən sonra bəlli olacaq.