AVF rəsmisi “Zenit”in oyununa təyinat aldı

Azərbaycan Voleybol Federasiyasının baş koordinatoru Zöhrab Gözəlbəyliyə növbəti etimad göstərilib.

Komanda.az xəbər verir ki, Avropa Voleybol Konfederasiyası həmyerlimizi Rusiyanın Sankt Peterburq şəhərində keçiriləcək kişi komandaları arasında CEV kubokunun 1/4 final mərhələsinin cavab oyununa təyin edib.

O, “Zenit” (Rusiya) və “Hypo Tirol Alpenvolleys Haching” (Avstriya) matçının supervayzeri olacaq.

Qeyd edək ki, matç martın 3-də Sankt Peterburqda “Sibur Arena”da təşkil ediləcək.