“Atletiko”nun futbolçusunda koronavirus aşkarlandı

İspaniyanın “Atletiko” klubunun futbolçusu Renan Lodi koronavirusa yoluxub.

Komanda.az “Globo Esporte” nəşrinə istinadən xəbər verir ki, 22 yaşlı müdafiəçinin testi müsbət nəticələnib. Bu üzdən də braziliyalı oyunçu evində karantinə alınıb.

Qeyd edək ki, daha öncə İspaniya mətbuatı La Liqa və Sequnda klublarında çıxış edən 5 futbolçunun koronavirusa yoluxduğunu açıqlamışdı.