“Avropa klublarının mənimlə maraqlanmasından qürur duyuram”

“Atletiko”nun futbolçusu Tomas Partey Madrid təmsilçisiylə yeni müqavilə imzalayacaq.

Komanda.az xəbər verir ki, bu barədə 26 yaşlı yarımmüdafiəçi AS nəşrinə açıqlamasında deyib:

“Agentim “Atletiko” ilə yeni müqavilə haqda danışıqlar aparır. Bütün gənc futbolçular kimi burada – Madridin ən böyük klubunda oynamaq istəyirəm. Digər Avropa klublarının mənimlə maraqlanmasından qürur duyuram. Ancaq mənim üçün ən dəyərlisi “Atletiko”dur”.

“Atletiko”nun yetirməsi olan Parteyin hazırkı müqaviləsi 2023-cü ilin yayına qədərdir.