“Onun son illərdə etdikləri inanılmazdır” – Simeone

“Atletiko”nun baş məşqçisi Dieqo Simeone İspaniya La Liqasının 10-cu turunda “Atletik”i məğlub etdikləri oyundan sonra fikirlərini bildirib.

Komanda.az xarici mətbuata istinadən xəbər verir ki, argentinalı mütəxəssis, 2:0 hesabıyla bitən görüşü belə şərh edib:

“Ardıcıl üç böyük oyun keçirdik və üç gündən bir oyun oynayırıq. Qələbə əzmimizi saxladığımız üçün xoşbəxtəm. Azarkeşlərimiz bu gün möhtəşəm idi. Onlar İspaniyanın ən yaxşılarıdır.

Hədəfimizə çatmaq üçün bütün oyunçulara ehtiyacım var. Kokenin uğursuz olduğu oyunlar olub, ancaq bizim üçün vacib oyunçudur. Yan Oblak isə dünyanın ən yaxşı qapıçısıdır. Hər il inkişaf edir. Onun son illərdə etdikləri inanılmazdır”.