Simeone israrlıdır – “Qalatasaray”ın futbolçusunun transferində

“Aston Villa”da icarə əsasında çıxış edən yarımmüdafiəçi Nikolo Zaniolo İspaniya klubuna keçə bilər.

Komanda.az “Todofichajes” portalına istinadən xəbər verir ki, müqaviləsi “Qalatasaray”a məxsus olan futbolçunun transferində “Atletiko” maraqlıdır. Madrid klubunun baş məşqçisi Dieqo Simeone şəxsən Zaniolo ilə müqavilə imzalamaqda israrlıdır. 

24 yaşlı italiyalı futbolçunun transfer dəyəri 20 milyon avro qiymətləndirilir. O, bu mövsüm Premyer Liqada 25 oyun keçirib və 2 qol vurub.