Nunyes Madrid klubuna keçə bilər

“Liverpul”un hücumçusu Darvin Nunyes karyerasını İspaniyada davam etdirə bilər.

Komanda.az “Todofichajes”-ə istinadən xəbər verir ki, “Atletiko” uruqvaylı futbolçu ilə maraqlanır.

Müqavilə yay transfer pəncərəsində tamamlana bilər. Nunyesin bazar dəyəri 50 milyon avro qiymətləndirilir və onun mersisaydlılarla müqaviləsinin müddəti 2028-ci ilin iyununun sonunda başa çatacaq.

25 yaşlı forvard cari mövsümdə İngiltərə Premyer Liqasında 25 oyun keçirib, 5 qol vurub və 2 məhsuldar ötürmə edib. O, 2022-ci ildən “qırmızılar”da çıxış edir.