“Arsenal”ın “radar”ındadır – “Atalanta”nın bombardiri

“Atalanta”nın hücumçusu Mateo Reteqi “Arsenal”ın maraq dairəsinə düşüb.

Komanda.az “Tuttomercatoweb”-ə istinadən xəbər verir ki, “topçular” tez-tez müxtəlif hücumçulara maraq göstərirlər və italiyalı forvard bu yaxınlarda baş məşqçi Mikel Artetanın potensial yeni transferlərindən biri kimi qeyd olunur.

“Arsenal” Reteqini 55 milyon avroya almağı düşünür. İngiltərənin digər klubu “Aston Villa” da ona iddialıdır.

25 yaşlı forvard bu mövsüm bütün turnirlərdə 25 matçda 14 qol vurub və 4 məhsuldar ötürmə edib. O, “İnter”in hücumçusu Markus Türamla birgə A Seriyasında bombardirlər siyahısında zirvəni bölüşür – hər ikisinin 12 qolu var.