Maradonanın oğlu: “Ata, sən bu qələbəni səmadan qeyd edirsən”

Dieqo Maradonanın oğlu sosial şəbəkə hesabında paylaşım edib.

Komanda.az xəbər verir ki, kiçik Dieqo Lionel Messinin dünya çempionu adını qazandığı üçün xoşbəxt olduğunu bildirib:

“Mən Lionel Messinin adına xoşbəxtəm. Çünki bu kuboku Messidən çox qaldırmağa heç kim layiq deyildi. Xalqım və ölkəm üçün də xoşbəxtəm.

Ata, sən bu qələbəni səmadan qeyd edirsən. Səni nə qədər qucaqlamaq istədiyimi bilirsən”.

Argentina millisi DÇ-2022-nin finalında Fransanı penaltilər seriyasında məğlub edərək (3:3, penaltilər – 4:2), tarixində üçüncü dəfə dünya çempionatının qalibi olub. Cənubi Amerika təmsilçisi 1978 və 1986-cı illərdə də dünyanın ən güclü komandası adını qazanıb.

Argentina yığmasının kapitanı Lionel Messi DÇ-2022-də 7 oyuna çıxıb, 7 qol vurub və 3 məhsuldar ötürmə edib. O, həlledici matçda turnirin ən yaxşı oyunçusu adını da qazanıb.