Asmir Beqoviç rəmzi komandada

Bosniya və Herseqovina mətbuatı ölkə çempionatlarının son turundan sonra legioner həyatı yaşayan bosniyalı futbolçuların rəmzi komandasını müəyyənləşdirib.

Komanda.az “reprezentacija.ba” saytına istinadən xəbər verir ki, “Qarabağ”ın qapıçısı Asmir Beqoviç də rəmzi komandada yer alıb. Beqoviç “Qarabağ”ın Premyer Liqanın 9-cu turunun “Səbail”lə oyununda (1:0) 90 dəqiqə meydanda qalıb və qapısını toxunulmaz saxlayıb.

“Qarabağ” 32 yaşlı qapıçını ilin sonuna kimi “Bornmut”da icarəyə götürüb.