“Real”ın müdafiəçisi üçün 6 milyon avro təklif olunub

“Real”ın müdafiəçisi Raul Asensio “Jirona”ya keçə bilər.

Komanda.az AS-a istinadən xəbər verir ki, klub nümayəndələri 21 yaşlı futbolçunun transferi ilə bağlı təklif irəli sürsələr də, Asensio bu variantı nəzərdən keçirmək istəməyib.

Asensio üçün “Real”a 6 milyon avro təklif olunub. Ancaq o, Madriddə qalmağa qərar verib və hələlik daha çox “kral klubu”nun ikinci komandası olan “Kastilya”da çıxış edir.

İspaniyalı müdafiəçi La Liqanın cari mövsümündə 3 oyun keçirib və 1 məhsuldar ötürmə edib.