“Onun əlində əla futbolçular var” – Fabreqas

Hazırda “Monako”nun şərəfini qoruyan Sesk Fabreqas keçmiş klubu “Arsenal”la bağlı açıqlama verib.

Komanda.az İngiltərə mətbuatına istinadən xəbər verir ki, 33 yaşlı futbolçu, “topçular”ın baş məşqçisi Mikel Artetanın işini dəyərləndirib:

“Artetanın özünəməxsus fikirləri var, amma bunları tətbiq etmək üçün zaman lazımdır. Hazırda istənilən məşqçi üçün əsas problem kifayət qədər zamanın olmamasıdır. Bunun çox çətin olduğunu bilirəm. Futbol sürətlə irəliləyir, hər kəs qalib gəlmək istəyir, rəhbərliyin, azarkeşlərin təzyiqi olur. Arteta öz komandasını yaratmağa çalışır. Onun əlində əla futbolçular var. Artetanın lider olduğunu, futbol biliyinin yüksək olduğunu görə bilərsiz. İlk baş məşqçilik təcrübəsi olmasına baxmayaraq, əla xarakter göstərir”.