“Artetanı qovmaq böyük səhv olar” – Qvardiola

İngiltərə liqa kubokunun 1/4 final mərhələsi çərçivəsində “Arsenal”a 4:1 hesabı ilə qalib gələn “Mançester Siti”nin baş məşqçisi Pep Qvardiola açıqlama verib.

Komanda.az İngiltərə mətbuatına istinadən xəbər verir ki, “şəhərlilər”in çıxışından danışan ispan mütəxəssis, “Arsenal”ın baş məşqçisi Mikel Artetanın fəaliyyətinə də toxunub:

“Oyuna yaxşı başladıq. Rəqib oyun sistemini dəyişmişdi. İkinci hissədə daha yaxşı performans göstərdik. Bəzi anlarda mövqelərimizi tapmaqda çətinlik çəkdik. Yarımfinaldayıq və bu, bizim üçün çox vacibdir.

Artetanı qovmaq böyük səhv olar. Onunla çalışmışam, əla məşqçi və insandır. Ondan çox şey öyrənmişəm. Artetanın sadəcə vaxta ehtiyacı var”.